इज्रालिजर स्येन ग्यउजचे पेओम्ब लजे मुवहिन। ल्हो घजिङगे स्युक्र इज्रालि ग्या घिग्रि मरियम बिवइ इज्रालि म्रिङ गि मुवहिन। थे ग्यउ दाउदइ ग्युप युसुफने प्रे बे रिजि तजि। चहि घङरि इज्रालिजर रोमि ग्यउचे पोइम्बलजे मुवहिन। तिग्निगिरि कोन्ज्योइ भाङ्जेन मरियम र खजे सुङजि “मरियम कोन्ज्यो ग्यने ह्योम मुवहिन,ग्यर बुसु तजे ज गिग केवहिन थे म्हि थेवगि तविन, थेर कोन्ज्योइ ज भिजे भिवहिन, कोन्ज्योचे थेर थे ग्युप दाउदने चम डव ग्यउ सोवहिन नहि थे ग्यल्क ग्येमचम हाजोवहिन। नहि मरियमचे भिजि खजुलजे तस्ये? दोसोङ दोदो ङ प्रिङने प्रे हानोग्चोवहिन भिजे सुङजि । नहि चु कोन्ज्योइ भाङजेनचे सुङजि “ग्यर कोन्ज्योइ सेमइ स्युक खजे ग्यर बुसु तवहिन नहि मरियम र बुसु तजि। नहि मरियमर बुसु तव युसुफचे थेजि, मरियमने प्रे खडस्ये लस्यो भिजे नोक्सेन लजि। नहि कोन्ज्योइ भाङजेन युसुफइ मङरि खजे सुङजि मरियमर ग्ये बे लव फ्यि थ ङिङो चु कोन्ज्योइ सेमइ स्युकचे तवहिन थेर ज गिग केवहिन। थे मिङ येसु वोरो थेजे म्हिजइ दिक्परिचे क्योप्चेलवहिन भिजे सुङजि। नहि युसुफचे मरियमर थे बे भिजे खसङजे ललिचम कोल हाके दोदो थमज प्रे हानोकचोवहिन। नहि तिङनिगिरि रोमि ज्ञउजे थे ज्ञाक्कइ म्हिजर मिरि मिरि ज्ञारि यर्चे मिङ ब्रिउ भिजे द पुर्चि। नहि युसुफचे मरियमर बोर्चे थे रुज दाउद ज्ञउइ ज्ञा बेथलेहमरि मिङ ब्रिवरि यर्चि। त्यरि नङ ज्ञारिचे म्हि देन्न खजे थमजर ज्ञा हायङचि। नहि थमज तङ गिग्रि टुजि। चहि घङरि मरियमर कोल केव धिइ दोजे कोल केजि नहि चु कोलर थाङनचे तुम्जे सेतङरि नोग्लपिन्जि। चहि घङरि बेथलेहमइ जितङ रासनज मुवहिन। नहि कोन्ज्योइ भाङजेन तेरि मुवइ रासनजर खजे सुङजि ङेनो दाउदइ युरि म्हिजर क्योप्चे लव गिग केजिन थे कोन्ज्योचे पेवइ ज्ञउ हिन। थेर थाङन गिगचे तुम्जे सेतङरि नोगरल पिन्जे मुवहिन। नहि चु रासनज ग्योना ग्योना यर्चे थमर दोजि नहि थमजचे भाङजेनचे बिव ल्हेमजे मङजि। नहि कोन्ज्योइ त्येर लजे थमइ ज्ञारि एजि यर्चि। नहि चु बुसुइ मिङ यसुफचे येसु ओर्चि। येसु मिङ बिव कोन्ज्योचे क्योपचे लवहिन।
